مقادرير عمل البانيه
- صدور فراخ فيليه
- ميه بصل
- علبه زبادي
- معلقه خل
- عصير ليمون
- ملح
- فلفل أسود
- زنجبيل مطحون
- بصل بودره
- توم بودره
- بابريكا
- كسبره ناشفه
- زعتر
- كمون
- بهارات فراخ
- التغليف (بيض - دقيق - نشا - بقسماط مطحون)
طريقه عمل البانيه
نفرد صدور الفراخ بين كيسين استرتش وندق عليها الي ان تفرد كويس
نجهز التتبيله (نفرم بصلتين كبار ونصفيهم كويس وناخد ميتهم بس ونضيف عليها علبه زبادى أو لبن رايب ومعلقه كبيره خل وعصير ليمونه وملح ونص معلقه صغيره من كل نوع من التوابل ونمزج كله مع بعضه )
نتبل الفراخ بالتتبيله ونتركها في التتبيلة لمده 4 ساعات عالأقل ويفضل ليله كامله
نقوم بتجهيز الخليط ل
لتغطيه طبق فيه بيض مخفوق مع فلفل اسود
طبق تانى به دقيق عليه معلقتين كبار نشا ورشه ملح ومعلقه صغيره من نفس توابل التتبيله
طبق تالت بقسماط مطحون وعليه معلقه صغيره من التوابل
نخرج الفراخ من التتبيله ونقوم بتصفيتها وننزل بيها في الدقيق وبعده البيض وبعده البقسماط ونغلفها بالبقسماط المبهر وندخلها الفريزر حوالي من نص ساعه لساعه (عشان الغلاف الخارجي يتماسك)
نقليها في زيت غزير سخن على نار متوسطه
عشان البانيه يبقي طري
بنضيف في التتبيلة الزبادى والخل بيخلوا الفراخ طريه جدا وكل مامده التتبيل تزيد يبقى افضل واطرى لأنه بيشرب اكتر من الخل والزبادى
لو صدور الفراخ مش مفروده كويسه بنفردها بين كيسين استرتش وندق عليها بمطرقه لحد ماتتفرد ويبقى سمكها كويس وده بيخليها طريه وبيسرع من سواها لأن الانسجه بتاع الفراخ بتتفرد وتدق كويس.
عشان الغلاف الخارجي للبانيه يكون متماسك
صفى البانيه كويس من التتبيله الاول
يوضع في الدقيق
يغلف جيدا بالبقسماط
واهم نقطه لااااااازم تسبيه في الفريزر مش اقل من ساعه وكل ماتزودى يبقى أفضل كده الغلاف يتماسك تماما وميفكش في الزيت
عشان البانيه يستوي كويس ويكون مقرمش
التسويه في زيت غزير سخن على نار متوسطه مش عاليه
النار العاليه هتخليه يتحمر من فوق وتحت والنص مش مستوى كويس
النار الضعيفه هتخليه يشرب زيت كتير ويبقى طرى ومزيت
ماتغطيش النار عليه وهوا بيستوى
لأن البخار بيخليه يطرى ومايقرمش
ضيفي للبقسماط كرسبي أو دوريتوس مطحون أو معلقتين نشا بيخلوه مقرمش اكتر
عشان البانيه يكون لونه فاتح
نوع الزيت يكون نضيف
نوع البقسماط يكون كويس ويفضل تضيفي عليه كرسبي
ماتسيبهوش كتير عالنار كل مابتزودى المده لونه بيغمق
0 التعليقات:
إرسال تعليق